ගර්භණීය මවකගේ දෙවන මාස තුන තුලදී එහෙම නැත්නම් සති 16 ඉක්ම ගිය පසු (Second Three Months Of Pregnancy ) මොකද අම්මගෙ සිරැරට වෙන්නෙ , ඒ වගේම මොකක්ද කරන්න ඕනි, බබාට මොකද වෙන්නෙ කියලා තමයි අද අපි කතා කරන්නෙ.
ගර්භණීය මවකගේ දෙවන මාස තුන කියන්නෙ මුළු ගර්භණීය සමයේම ස්වර්ණමය යුගයයි. මුල් තෛමාසිකයේදී අපාහසුතා ,සංකුලතා වැඩී. ඒ නිසා ගොඩක් අපහසුවෙන් අම්මා ඉන්නෙ. දැන් බඩ චුට්ටක් ඇවිත් ඔබට තියෙන අපහසුතාවයත් පොඩ්ඩක් අඩු වෙලා අනිත් අයගෙන් සැලකිලි ලැබෙන කාලයක්. අන්තිම කාලෙදී දරැ ප්‍රසූතියට ලෑස්ති වෙන්න ඕනි කුසත් එක්ක අපහසුයි , ඒ කාල සීමාවෙදි අපහසුතා වැඩි වෙනවා. මේ කාලෙදි තමයි හොදටම ගත කරන්න පුළුවන්. හොදටම කෑම කාලා දරැවට හා තමන්ට අවශ්‍යය පෝෂණය සපයලා , හොදට ඉන්න පුළුවන්.
මේ කාලෙදි වෙන්න පුළුවන් පොදු වෙනස්කම් ගත්තොත් (හැම මවකටම එකම විදිහට නෑ) උදරය පේන්න ගන්නවා, බබා දගලන්න පටන් ගන්නවා , මල බද්ධය ඇතිවෙන්න පුළුවන් (පිළියම් ඇත) , හෝමෝන වෙනස් වීම් එක්ක පාද ඉදිමෙන්න පුළුවන් , කොන්දෙ වේදනා එන්න පුළුවන්, පියයුරැවලින් ස්‍රාවයන් නිකුත් වෙන්න පුළුවන් (බිය විය යුතු නැත) , පියයුරු වල තද පුපුරැ ගසන ගතිය තියනවා, ඇරියෝලාව වටේ තද පාටට කළු පාට වෙන්න ගන්නවා.
මේ මාස අවසානයේදී අධික කුස ගින්නක් මවට දැනෙන්න පුළුවන්. යෝණිස්‍රාවයන් වෙන්න පුළුවන්. බඩ ඉදිරියට නෙරන නිසා නිදා ගන්න අපහසුතා එනවා.
මුල් කාලේදි ඇති උන වමනය යාම අඩුවෙනවා සහ ඇති වෙච්ච පුංචි පුංචි ගැටළු තාමත් තියෙන්න පුළුවන්. දැන් ඔබ ගර්භණීභාවයට පුරැදු කෙනෙක් නිසා ඔබ හොදින් දන්නවා ඔබ හොදින් පෝෂණය ලබන්න ඕනි, නියමිත දිනට වෛදයවරයා හමුවෙන්න , වතුර වැඩිපුර බොන්න ඕනි, සායවලට නියමිත දිනට සහභාගී වෙන්න ඕනි කියන දේවල්.
මේ කාල සීමාව අවසානයේදී බාබාට ඇදුම් ලෑස්ති කරන්න පුළුවන්. ඔබට හිතෙන්න පුළුවන් දරැවට ඇදුම් කඩෙන් ගන්න පුළුවන්නෙ කියලා. ඒත් ඒක Therapy එකක්. ඉස්සර ඉදන් මේ දේවල් කරන්නෙ අම්ම දරැව එක්ක සම්බන්ධ කරන විශේෂ Therapy එකක් මේක. මේකෙන් අම්ම්ටයි බබාටයි ප්‍රතිලාභ ගොඩක් ලැබෙනවා. අම්මායි දරැවයි අතර හොද බැදීමක් ඇති වෙනවා.
මේ මගින් අම්මගෙ මනස එක තැනකට Focus කරනවා. ඒ Focus කරන තැන හොද සිතිවිල්ලක් තියෙනවා. හොද සිතිවිල්ලකට Focus කිරීම් තුල අම්මට මානසික සහනයක් සහ අම්මගෙ හෝර්මෝන තත්ත්වය වැඩ කරන්න හොදට රැධිරය ගමනාගමනය ඇති කරන්න හොද මානසික මට්ටමක් ඇති වෙනවා.
මේ මාස තුන හරිම Relax . සංචාරයක් යන්න , ගමනක් බිමනක් යන්න , මහත්තයා එක්ක විනෝද ගමනක් යන්න මේක තමයි හොද කාල සීමාව . හැබැයි ඔබ ගර්භණීය මවක් නිසා පරිස්සම් වෙන්න.
මේ කාල සීමාවේදී ඔබට ලිංගික අවශ්‍යයතා ටිකක් වැඩි වෙන්න පුළුවන්. ඔබට ගැලපෙන ඉරියව්වක් භාවිතා කරලා ලිංගිකව එක් වීම කිසිම ගැටළුවක් නෑ.
මේ කාලසීමාවේදී ඔබට තව Scan එකක් කරන්න වෙනවා. Anomaly Scan එක. මේකෙන් කරන්නෙ විෂමතා පරික්ෂා කරන එක. බබාගෙ අඩුපාඩු ගැටළු එකින් එක පරිස්සමට බලන Anomaly Scan එකක්. ඒක වෛදයවරයා ඔබට නියම කරයි.
මේ කාලසීමාවේදී ඔබට සායනයේදි පණු බෙහෙත් හම්බවෙයි. එහෙම නැත්නම් වෛදයවරයාගෙන් අහලා එය ලබා ගන්න. ඒ වගේම පිට ගැස්ම එන්නත ලබා ගත යුතුයි.
කලින් ඉදන් ව්‍යායාම කරපු කෙනෙක් නම් හරි, අපහසුතා නැති කෙනෙක් හරි නම් පළවෙනි මාසෙ ඉදන් ව්‍යායාම කලාටකමක් නෑ. නැතිනම් ව්‍යායාම කරන්න පටන් ගන්න හොද කාලයක් තමයි මේක.
මොළය වර්ධනයට අවශ්‍යය සංඝටක ඇතුලත් හොද ආහාර වේලක් ලබා ගන්න. මේ කාලෙ කරන එක වැරැද්දක් තමයි අම්මලා කන්න බැරිව ඉදලා පුළුවන් උන ගමන් පමණට වඩා ආහාර ගන්නවා. ඒ ගැන සැලකිලිමත් වෙන්න පමණට පෝෂදායී ආහාර ගන්න.
මේ කාලයේදී ඔබට ඇදුම් වෙනස් කරන්න වෙනවා. ගර්භණීය කාල සීමාවට උචිත ඇදුම්, කපු ඇදුම්, Relax ඇදුම් , ඔබේ බඩ පහසුවෙන් තියා ගන්න පුළුවන් ඇදුම් අදින්න. හොදින් මතක තබා ගන්න ඔබට පහසු ඇදුම් විතරක් අදින්න.
ලිස්සන්නෙ නැති පැතිලි පාවහන් යුගලයක් භාවිතා කරන්න. ගුරැත්ව කේන්ද්‍රය වෙනස් වෙනවා ඔබෙ ඇගේ. ඒකට හැඩ ගැහෙන්න සුදුසු පාවහන් යුගලයක් ඔබ පාවිච්චි කරන්න. ඇගට අපහසුතා ගෙන නොදෙන පාවහන් පලදින්න.
ඔබේ කකුල් ඉදිමෙනවා නම් කකුල් උඩින් තියා ගන්න. මේ කාලෙදී බබාගේ සංවේදන අවයව විකසනය වෙනවා. සමහර ඒවා හැදිලත් ඉවරයි. බබා එක්ක කතා කරන්න, බබාට ආදරෙයි කියන්න , මහත්තයටත් කියන්න බබාට කතා කරන්න වෙලාවක් වෙන් කර ගන්න, මියුසික් අහන්න දෙන්න, පන්සලකට යන්න ඒ වගේ උත්ප්‍රේරක සපයන්න හොද කාල සිමාවක්.
මේ කාලසීමාවේදී විවිධ දේ කිරීමට වෛදයවරයා උපදෙස් දේවි. රැධිර පරීක්ෂණ , දියවැඩියා පරික්ෂණ , උස බර පරික්ෂා කරනවා, රැධිර පීඩනය පරීක්ෂා කරනවා.
එදිනෙදා කරන කියන කටයුතු වලදී ඉරියව් පවත්වා ගැනීම නිසි ලෙස පවත්වා ගන්න.
