මොකක්ද මේ ෆෝලික් ඇසිඩ් (Folic Acid) ගන්න කියලා ගැබිනි මව්වරැන්ට ගන්න කියලා දෙන උපදෙස?? අද අපි ඔයාලාව දැනුවත් කරන්නෙ ඇයි එහෙම උපදෙස් දෙන්නෙ, මොකක්ද ඒකෙන් සිදුවෙන්නෙ කියලයි.
ෆෝලික් අම්ලය කියන්නෙ විටමින් B ඛාණ්ඩයට විටමිනයකි. මේ විටමින් එක බබා විකසනය වෙන කාලයේදී ( බබා වැඩෙන කාලේදි නෙවෙයි) බාබාගෙ අතපය හැදිලා බබෙක් විදිහට පරිවර්තනය වන මුල්ම කාලයේදී අවශ්‍යය වන විටමිනයකි. ඒ විටමින් එක අඩු උනොත් බබාගේ පුංචි පුංචි ගැටළු විකෘතිතා ඒ කියන්නෙ විකලාංග විශේෂයෙන්ම කොදුඇට පෙළ ආශ්‍රිතව ඇතිවෙන්න පුළුවන්. එහෙම ඇති වෙලා තියෙන නිසා තමයි අපි දැන් ගර්භණීය මව්වරැන්ට කියන්නෙ කෑමෙන් ලැබෙන විටමින් වලට අමතරව Folic Acid පෙත්තක් විදිහට ලබා ගන්න කියලා.
දැන් අපි කතා කරමු Folic Acid භාවිතා කරන්න පටන් ගන්නෙ කවද්ද කියලා. සාමාන්‍යයෙන් අපි කියන්නෙ විවහ වෙලා දරැවෙක් හදන්න පමා කරන්නෙ නැත්තම් විවහ වෙන්න කලින් මාසෙක වගේ ඉදන් භාවිතයට ගන්න. ඔබ විවහ වෙච්ච කාන්තාවක් නම් දරැවෙක් බලාපොරොත්තු වෙන්නෙ කවදද ඒ හිතන දවසෙ ඉදලා Folic Acid පෙත්තක් භාවිතයට ගන්න. ගොඩාක් කාලයක් භාවිතා කරන්න ඕනි නෑ.
සමහරවිට පවුල් සංවිධාන ක්‍රමයක් භාවිතා කරනවා නම් , මේ දේවල් පරක්කු කරනවා නම් ඒ කාල සීමාවෙදි අවශ්‍යය නෑ. කොයි අවස්ථාවේදී පිළිසිද ගනීවීද කියලා සැකයක් තියෙන හැම අවස්ථාවකදීම Folic Acid ගන්න . මොකද අපි දන්නෙ නෑ කවදද මේ දරැවා කුසට එන්නෙ කියලා. ඒ දවසට Folic Acidවල අඩුවක් ඔබට තියෙන්න බෑ.
අපි කන ආහාරවල Folic Acid අන්තර්ගත වෙනවා. විශේෂයෙන්ම කහ පාටට ගමේ හැදෙන බිත්තර වල. රනිල බෝගවලත් Folic Acid තියෙනවා. රට කජුවල, බ්‍රොකලි,ගෝවා, පරිප්පු වගේ දේවල් වල Folic Acid අන්තර්ගත වෙනවා. නමුත් ආහාරවලින් ලැබෙන ප්‍රමාණය අපිට තෘප්තිමත් වෙන්න බෑ හොදට ලැබෙනවද කියලා. ඒ නිසා තමයි Folic Acid පෙත්තක් අපි භාවිතා කරන්න ඕනි.
ඊලගට ඔයාලට තියෙන ප්‍රෂ්නයක් තමයි මේ Folic Acid පෙත්ත කොච්චර ගන්න ඕනිද කියන එක ගැන. දිනකට Folic Acid අපිට 400mg අවශ්‍යයයි. ඒ කියන්නෙ බොහොම පුංචි පෙත්තක්. අපේ රටේ තියෙන Folic Acid පෙත්තක් 1000mg පමණ වෙනවා. විටමින් B ඛාණ්ඩය කියන්නෙ වැඩි පුර තියෙන ප්‍රමාණය මුත්‍රා එක්ක පිටවෙනවා. ඒ නිසා එය ගැටළුවක් නෙවෙයි. ඒ නිසා ඔබට ෆාමසියෙ තියෙන ඕනිම Folic Acid පෙත්තක් ගන්න. නැත්නම් පවුල් සෞඛ්‍යය නිළධාරිණිය නොමිලේ නිකුත් කරනවා. දිනපතා එකක් ගන්න. මග ඇරුනොත් ඒ පෙත්ත නැවත ගන්න අවශ්‍යය වන්නේ නෑ. දවසක් අමතක උනොත් අමතක කරලා දාන්න. නමුත් දිනපතා එකක් ගන්න.
සමහර වෙලාවට ගර්භණීය මව්වරැන් වෛදයවරයා නිර්දේශ කරපු Multi Vitamins භාවිතයට ගන්නවා. අන්න ඒ වෙලාවට Folic Acid පෙත්තක් ගන්නවා නම් බලන්න ඒ Multi vitamin එකෙත් Folic Acid අන්තර්ගතයි ද කියලා. එහෙම අන්තර්ගතයි නම් වෙනම පෙත්තක් ලබා ගැනීමට අවශ්‍යය වන්නේ නෑ. අවබෝධයෙන් භාවිතා කරන්න. ඒ වගේම ගර්භණීය කාලයේදී කිරි දෙන කාලයේදීත් මාස 6 වගේ වෙනකන් Folic Acid ලබා ගන්න.
