ේ වෙද්දි බබත් එක්ක මාස 3ක් ඉදලා තියෙනවා.සතිවලින් ගත්තොත් සති 12ක්.දවස්වලින් ගත්තොත් දවස් 90වකට ආසන්න ප්‍රමාණයක්.මේ වෙද්දි තේරිලා ඇති බබා කලින්ට වඩා ගොඩක් ක්‍රියාශීලි වෙලා බාබාගේ වටපිටාවේ තියෙන දේවල්වලට කලින්ට වඩා ගොඩක් බබා ප්‍රතික්‍රියා දක්වනවා කියලා ඔයාලට තේරෙන්න පුළුවන්.බබාගෙ සෞඛ්‍යයට අදාලව බබාගෙ 3වෙනි මාසෙදි දැන ගන්න ඕනි මොනවද කියලා කලින් ලිපි වලදි වගේම අද අපි කතා කරනවා.
කලින් ලිපි දෙකේදිම අපි කතා කරා මතක ඇති බබාගෙ Tummy Time ගැන.මේ මාසෙදිත් පුළුවන් ඔයාලට බබාව මුණින් අතට හරවලා තියන්න.ඔයාලට නිරීක්ෂණය කරන්න පුළුවන් බබා කලින්ට වඩා සෑහෙන්න දුරට ඔළුව උස්සනවා.සමහරවිට මේ වෙද්දි එයාගෙ අත්දෙක බිමින් තියලා පපුව හරියට වෙනකන් ඉස්සෙන්න බබාට හැකියාවක් ලැබිලා ඇති.මීට අමතරව බබා එයාගෙ කකුලෙන් එහාට මෙහාට පයින් ගහනවත් කලින්ට වඩා ඔයාලට බලාගන්න පුළුවන් වෙයි.
එයාට අත් දෙකෙන්ම නැත්නම් තනි අතින් සෙල්ලම් බඩු අල්ල ගන්න හැකියාවකුත් ලැබිලා තියෙනවා ඔයාලට නිරීක්ෂණය කරන්න පුළුවන් වෙයි.අපි කලින් මාස වල කතා කලා වගේම මේ වෙද්දි එයාට සුපුරුදු අයව වගේම සුපුරැදු දේවල් අදුර ගන්න හැකියාව තියෙනවා.දන්න අය දිහා බලලා හිනා වෙනවා කියලා ඔයාලට පෙනෙයි.චලනයවන දේවල් දිහාවට එයාගෙ ඇහැ ගෙනියනවා ඔයාලට නිරීක්ෂණය කරන්න පුළුවන් වෙයි.මොනව හරි ශබ්දයක් ඇහුනාම ඒ දිහාවට හිස හරවලා බලන්නත් මේ වෙද්දි හැකියාව ලැබිලා ඇති.
බබාගෙ නින්ද ගැන ගත්තොත් මීට කලින් නම් බබා රාත්‍රිය පුරාවට සැරින් සැරේ ඇහැරැනා.ඇහැරිලා අම්මගෙන් කිරි බිව්වා.නමුත් මේ වෙද්දි ඔයාලට තේරෙනවා ඇතා බබා ඒ විදිහට නැගිටින වාර ප්‍රමාණය අඩු වෙලා තියනවා.සමහරවිට එක වතාවක් හරි එහෙම නැත්නම් රැය පුරාවටම බබාට නිදා ගන්න හැකියාව ලැබිලා ඇති.
කලින් මාසෙ අපි මතක් කරා වගේම මේ වෙද්දි එයාට එයාගෙ අත හදුන ගන්න හැකියාව ලැබිලා තියෙනවා.ඒ නිසා තමයි ඔයාලට බලා ගන්න පුළුවන් වෙන්නෙ එයාගෙ අත එහෙම නැත්නම් එයාගෙ ඇගිලි කටේ දානවා.මේකත් එයාගෙ කඩඉම් අවස්ථාවක් විදිහට අපිට ගන්න පුළුවන්.ඒ නිසා කීයටවත් මේ දේ දැක්කට පස්සෙ ඒ දේ නරක පුරැද්දක් කියලා හිතලා නවත්තන්න එපා.ඒක සාමාන්‍යයෙන් මේ මාසෙ ඕනෙම බබෙක්ගෙ දකින්න පුළුවන්.
බබාගෙ පෝෂණය ගැන මේ මාසෙදි කතා කරන්න තියෙන්නෙත් කලින් මාසෙ වගේම බබාට මව් කිරි විතරයි ලබා දෙන්නෙ.ඝන ආහර ලබා දෙන්න ඕනි කාලෙට බබා තාමත් ඇවිත් නෑ.බබාට පෝෂණය නිවැරදිව ලැබෙනවද කියන එක ගැන ඔයාලට කලින් මාස වල වගේම බලන්න පුළුවන් එයාගෙ බර ප්‍රස්තාරය නිවැරදි තැන තියෙනවද කියන එකෙන්.
මේ මාසෙ අමතර දෙයක් විදිහට කතා කරන්නෙ බබාගෙ මලපහ වලින් බබාගෙ සෞඛ්‍යය ගැන මොනවද කියන්නෙ කියලා.බබාගෙ මලපහ කහ පාටයි නම් ඔයාලට හිතා ගන්න පුළුවන් බබාගෙ ආහාර ජීර්ණ පද්ධතියෙ ප්‍රෂ්නයක් නෑ එයා නිරෝගි කියලා.එයාගෙ මලපහ කොළපාටින් පේනව නම් ඒකෙ අදහස වෙන්නෙ සමහරවිට බබාගෙ ආහාර ජීර්ණය ගොඩක් ඉක්මනින් සිද්ධවෙනවා ,බබාගේ ආහර මාර්ගයේ ආහාර ඉක්මනට ගමන් කරනවා කියලා.මේකට හේතුව සමහරවිට පාචණ තත්වයක් වෙන්න පුළුවන් එහෙම නැත්නම් සමහරවිට සාමාන්‍ය තත්වයක් වෙන්නත් පුළුවන්.
දැන් කතා කරන්න යන පාටවලින් බබාගෙ මලපහ දැක්කොත් ඒකෙන් කියන්නෙ බබාගෙ සෞඛ්‍යය තත්ත්වයේ අසාමාන්‍යතාවයක් තියෙනවා කියලා.ඒ නිසා අනිවාර්යයෙන් බබාව වෛද්‍යවරයකු වෙත ගෙනියන්න වෙනවා.බබාගෙ මලපහ තද රතු පැහැයෙන් පේනවා නම් ඒකෙන් අදහස් වෙන්නෙ මලපහ එක්ක ලේ මිශ්‍ර වෙලා කියලා.මේ පාට තියනවා නම් බබාගෙ ආහාර මාර්ගයේ පහල කොටසේ ඒ කියන්නෙ ගුදය හෝ ගුද මාර්ගයේ මොනව හරි තුවාලයක් වෙලා එතනින් ලේ ගලනවා කියලා.සමහරවිට බබාට මල බද්ධය හැදිලා තියෙන එක හේතුවක් වෙන්න පුළුවන්.කළුපාට මලපහ බබා පිට කරනවා නම් ඒකෙන් අදහස් වෙන්නෙ බබාගේ ආහාර මාර්ගයේ ඉහළ කොටසේ ඒ කියන්නෙ ආමාශය නැත්නම් කුඩා අන්ත්‍රයේ මොනව හරි ප්‍රෂ්නයක් වෙලා එතනින් ලේ ගලනවා කියලා.මේ විදිහට පේන මලපහ ගොඩක් කළු පාටින් තාර වගේ බලා ගන්න පුළුවන්.ඒ වගේම මේවගෙන් දුගදක් හමනවා කියලා නිරීක්ෂණය කරන්න පුළුවන්.ඉතිං මේ විදිහට අවපැහැ ගැන්වුන මලපහ නිරීක්ෂණය කරන්න ලැබුනොත් ඒකෙන් අදහස්වෙන්නෙ බබාගෙ පිතනලනාශයේ මොනව හරි ගැටළුවක් ඇති බවයි.මේ කියපු පාටවලින් මලපහ දුටුවොත් ඔයාලට කරන්න තියෙන්නෙ පුළුවන් ඉක්මනින් බබාව වෛද්‍යවරයකු වෙත යොමු කරන එක.
බබත් එක්ක කරන්න පුළුවන් ක්‍රියාකාරකම් ගත්තම ඔයාලට මාස 2දී බබත් එක්ක කරපු ක්‍රියාකාරකම් මේ මාසෙදිත් ඒ විදිහටම කරගෙන යන්න පුළුවන්.
මේ කාලෙදි ඔයාලට පුළුවන් බබාලට එක එක සද්දෙ ඇහෙන,එහෙම නැත්නම් සංගීතයක් වාදනයවන නැත්නම් ලයිට් පත්තුවෙන සෙල්ලම් බඩු බබාට අරගෙන දෙන්න.මේ වෙද්දි බබාට අතින් සෙල්ලම් බඩු ග්‍රහණය කර ගන්න හැකියාව ලැබිලා තියෙන හින්දා ඒ විදිහට අතින් අල්ල ගන්න පුළුවන් සෙල්ලම් බඩු බබාට අරගෙන දෙන්න පුළුවන්.ඒ වගේ සෙල්ලම් බඩු දෙද්දි ඔයාලා මතක තියා ගන්න ඕනි දෙයක් තමයි මේ සෙල්ලම් බඩු හැම එකක්ම වගේ බබා එයාගෙ අතට අරගෙන කටට දාගන්න උත්සහ කරනවා.ඒ නිසා බබාගෙ උගුරෙ හිරවෙන්නෙ නැති ලොකුවට තියෙන සෙල්ලම් බඩුවක් බබාට අරගෙන දෙන්න.
කලින් මාසෙ කිව්වා වගේම ඔයාලට පුළුවන් බබාව කාල සටහනකට අනුගත කරන්න.බබාට කෑම කවන එක, බබාව නිදි කරන එක,බබාත් එක්ක සෙල්ලම් කරන එක දවසේ හැමදාම එකම වෙලාවකට ඔයාලට කරන්න පුළුවන්.ඉතිං ඒකෙන් බබා දින චර්යාවකට හුරැවෙන එක සිද්ධ වෙනවා.
මේ මාසෙත් බබත් එක්ක බබාගෙ සායනයට සහභාගී වෙන්න ඔයාලට පුළුවන්.කලින් මාසෙ වගේම මේ මාසෙදිත් බබාගෙ බර උස මැනලා ඒ දේවල් අදාල ප්‍රස්තාරවල ලකුණූ කරනවා.මේ මාසෙදි බබාට කිසිම එන්නතක් ලබා දෙන්නෙ නෑ.බබා ගැන මොනව හරි ප්‍රෂ්නයක් තියෙනවා නම් මේ සායනයේදිත් වෛද්‍යවරයාගෙන් ඔයාලට ඒක අහල දැන ගන්න පුළුවන් වගේම පවුල් සෞඛ්‍යය සේවිකාව ගෙන් දැන ගන්නත් පුළුවන්.එහෙම නැත්නම් වෙනත් වෛද්‍යවරයකුට හෝ ළමා රෝග පිළිබද විශේෂඥ වෛද්‍ය වරයෙකුට පෙන්වන්න පුළුවන්.මේ මාසෙදිත් සැලකිලිමත් විය යුතු දේවල් විදිහට කලින් මාසෙදි කිව්ව දේවල් ගැනම ඔයාලට අවදානය යොමු කරන්න පුළුවන්.
බබාගෙ තුන්වෙනි මාසෙට අදාලව මේ වගේ දේවල් තමා බබා ගැන දැන ගන්න ඕනි.මේ Post එක තවත් ඔයාලා වගේම අම්මලා තාත්තලා උන අයට දැන ගන්න Share කරන්න අමතක කරන්න එපා.තවත් දවසක ඔයාලට බබා ගැන දැන ගන්න ඕනි තවත් දේවල් අරගෙන නැවතත් හමුවෙමු.
